JARIDA LA MKEREKETWA

• Kauli ya Katibu Mkuu wa CCM
• “CCM ni Chama kinachotawala kwa uhakika, Tanzania Bara na Tanzania Zanzibar; kwa nini hatusijisifu na tunawaachia ukumbi wapinzani kutubeza?” - Mkapa
• Uhusiano kati ya Chama Cha Mapinduzi na Vyama vya Nje vya kidugu na rafiki
• CCM yatoa kadi mpya kwa wanachama wake
• Simba wa Vita ni Mwenyekiti wa Baraza la Wadhamini wa CCM
• Sera ya CCM ya Ubinafsishaji wa Mashirika ya Umma ni ukombozi mkubwa
• Uchaguzi Mkuu wa CCM wa mwaka 2002 ulikuwa halali na wa mafanikio makubwa
• Tuna kila sababu ya kujivunia Mkapa na Karume kwani
• Tamko la Halmashauri Kuu ya Taifa ya CCM kuhusu Palestina
• Serikali zatakiwa ziandae sherehe kabambe za miaka 40 ya Mapinduzi na Muungano mwakani kwani
• TASAF
• Baada ya hali ya amani na utulivu kurejea Zanzibar
• Tumeachana na Siasa ya Ujamaa na Kujitegemea? La hasha
• Uwanja wa wakereketwa na wanamaskani

• Walioshindwa wakubali kwamba kuna kushinda na kushindwa katika uchaguzi

Katika mkutano wake wa mwezi uliopita wa Septemba, Halmashauri Kuu ya Taifa ya CCM miongoni mwa mengine ilipokea taarifa ya Kamati Kuu ya Halmashauri Kuu ya Taifa kuhusu maamuzi iliyofanya baada ya kusikiliza na kuyajadili malalamiko yaliyotolewa na baadhi ya wagombea wa nafasi mbali mbali za uongozi katika ngazi ya Mkoa katika Uchaguzi Mkuu wa CCM uliofanyika mwaka jana (2002).
Kamati Kuu haikupata lalamiko hata moja kuhusiana na uchaguzi wa Ngazi ya Taifa uliofanyika Chimwaga mwezi Oktoba, 2002.
Kuhusiana na chaguzi za Ngazi ya Mkoa, Kamati Kuu ilipokea malalamiko kutoka Mikoa ya Arusha, Dar es Salaam, Iringa, Kagera, Mara, Mbeya, Mwanza, Rukwa na Singida.
Kwa jumla, malalamiko mengi yalijikita juu ya tuhuma za rushwa. Walalamikaji na walalamikiwa wote walipewa fursa ya kutosha ya kujieleza katika vikao husika na Kamati Kuu yenyewe kupitia Kamati ya Maadili ya CCM ilifanya uchunguzi wa kina wa kila tuhuma katika kipindi cha karibu mwaka mzima. Lakini hakuna hata tuhuma moja iliyothibitika.
Kilichobainika kwa malalamiko yote ni uchungu tu wa kushindwa ulioambatana na ugumu wa kukubali kushindwa. Lakini hayo ndiyo maisha katika ushindani wowote; kuna kushinda na kushindwa.
Kwa hiyo, uamuzi wa Kamati Kuu ni kwamba matokeo ya uchaguzi yaliyotangazwa katika mikoa yote iliyolalamikiwa ni halali na yanabaki yalivyo. Kwa mujibu wa Ibara ya 29 ya Kanuni za Uchaguzi wa CCM, uamuzi huo ni wa mwisho.
Halmashauri Kuu ya Taifa imeridhika kwamba si uchaguzi wa ngazi ya Taifa tu ambao haukuathiriwa na rushwa, bali pia hata chaguzi za ngazi ya Mkoa. Kwa hivyo, Halmashauri Kuu ya Taifa imeungana na kauli ya Mwenyekiti wa CCM, Mheshimiwa Rais Benjamin Mkapa aliyoitoa katika hotuba yake ya ufungaji wa Mkutano Mkuu pale Chimwaga ambapo aliutangaza uchaguzi mkuu wa Chama kuwa na mafanikio makubwa. Kwa maneno yake Mwenyekiti, “mafanikio hayo makubwa yameonyesha pia kuwa CCM si mali ya mtu, ni mali ya watu, ambao ni wanachama.”
Halmashauri Kuu ya Taifa imeridhika pia kwamba mjadala kuhusu rushwa ndani ya Chama ambao umekuwa ukikuzwa sana na magazeti na vyombo vingine vya habari kwa kiasi kikubwa ni mkakati tu wa wapinzani wa CCM kukichafulia jina Chama wakati wakijiandaa kwa Uchaguzi Mkuu wa 2005.
CCM inawataka wanachama wake na wananchi wote kwa jumla wasimame kidete kufichua vitendo vya kweli vya rushwa (siyo dhana tu), lakini wasikubali kuingizwa katika mtego wa mikakati ya uchaguzi ya wapinzani.