JARIDA LA MKEREKETWA

• Kauli ya Katibu Mkuu wa CCM
• “CCM ni Chama kinachotawala kwa uhakika, Tanzania Bara na Tanzania Zanzibar; kwa nini hatusijisifu na tunawaachia ukumbi wapinzani kutubeza?” - Mkapa
• Uhusiano kati ya Chama Cha Mapinduzi na Vyama vya Nje vya kidugu na rafiki
• CCM yatoa kadi mpya kwa wanachama wake
• Simba wa Vita ni Mwenyekiti wa Baraza la Wadhamini wa CCM
• Sera ya CCM ya Ubinafsishaji wa Mashirika ya Umma ni ukombozi mkubwa
• Uchaguzi Mkuu wa CCM wa mwaka 2002 ulikuwa halali na wa mafanikio makubwa
• Tuna kila sababu ya kujivunia Mkapa na Karume kwani
• Tamko la Halmashauri Kuu ya Taifa ya CCM kuhusu Palestina
• Serikali zatakiwa ziandae sherehe kabambe za miaka 40 ya Mapinduzi na Muungano mwakani kwani
• TASAF
• Baada ya hali ya amani na utulivu kurejea Zanzibar
• Tumeachana na Siasa ya Ujamaa na Kujitegemea? La hasha
• Uwanja wa wakereketwa na wanamaskani

• NEC yaunga mkono Wapalestina katika harakati zao za kujikomboa
• Yataka Israel isimuhamishe Arafat nchini mwake
• Na Jumuiya ya Kimataifa yatakiwa kusimamia utekelezaji wa Road-Map

Halmashauri Kuu ya Taifa ya Chama Cha Mapinduzi imesema kwamba imepokea kwa mshangao na masikitiko makubwa, uamuzi wa Serikali ya Israel wa kutaka kumuondoa kutoka nchini mwake Rais wa Palestina, Mheshimiwa Yassir Arafat.

Katika tamko lililotolewa hivi karibuni Mjiji Dodoma, NEC ambayo ilikutana chini ya Mwenyekiti wa CCM, Rais Benjamin Mkapa imesema kwamba uamuzi huo wa fedheha una shabaha ya kuvuruga jitihada zinazoendelea sasa za kuleta amani kati ya Israel na Palestina na katika Mashariki ya Kati kwa jumla.
“Hii inathibitisha kwa mara nyingine tena jinsi ambavyo Serikali ya Israel isivyokuwa na dhamira ya dhati wala utashi wa kisiasa wa kupata ufumbuzi muafaka na wa kudumu wa mgogoro baina yao na Wapalestina”, tamko la NEC lilisema.
Aidha, uamuzi huo na matendo kadhaa ya kikatili yanayofanywa na Israel dhidi ya Wapalestina vinadhihirisha wazi nia mbaya ya Serikali ya Israel ya kutaka kukwamisha Mpango wa sasa wa amani Mashariki ya Kati, maarufu kwa jina la Road Map, Mpango ambao hatimaye ungewezesha kuzaliwa kwa Taifa la Wapalestina lililo huru, na linaloishi bega kwa bega na kwa amani na Taifa la Israel.