CHAMA CHA MAPINDUZI < <jarida la mkereketwa> >

JARIDA LA MKEREKETWA Kauli ya Katibu Mkuu wa CCM “CCM ni Chama kinachotawala kwa uhakika, Tanzania Bara na Tanzania Zanzibar; kwa nini hatusijisifu na tunawaachia ukumbi wapinzani kutubeza?” - Mkapa Uhusiano kati ya Chama Cha Mapinduzi na Vyama vya Nje vya kidugu na rafiki CCM yatoa kadi mpya kwa wanachama wake Simba wa Vita ni Mwenyekiti wa Baraza la Wadhamini wa CCM Sera ya CCM ya Ubinafsishaji wa Mashirika ya Umma ni ukombozi mkubwa Uchaguzi Mkuu wa CCM wa mwaka 2002 ulikuwa halali na wa mafanikio makubwa Tuna kila sababu ya kujivunia Mkapa na Karume kwani Tamko la Halmashauri Kuu ya Taifa ya CCM kuhusu Palestina Serikali zatakiwa ziandae sherehe kabambe za miaka 40 ya Mapinduzi na Muungano mwakani kwani TASAF Baada ya hali ya amani na utulivu kurejea Zanzibar Tumeachana na Siasa ya Ujamaa na Kujitegemea? La hasha Uwanja wa wakereketwa na wanamaskani
Uhusiano kati ya Chama Cha Mapinduzi na Vyama vya Nje vya kidugu na rafiki
	Chama Cha Mapinduzi (CCM) kimeendelea kuwa na uhusiano na ushirikiano wa karibu na vyama rafiki. Miongoni mwa vyama hivyo ni ZANU-PF (Zimbabwe), SWAPO (Namibia), FRELIMO (Msumbiji), ANC (Afrika Kusini), UNIP (Zambia) na MPLA (Angola).

		Katibu Mkuu wa FRELIMO, Komredi Armando Emilio Guebuza akisalimiana na Mweka Hazina wa CCM Taifa, Mama Salome Mbatia katika ofisi ndogo ya Makao Makuu ya CCM, Mtaa wa Lumumba Dar es Salaam.
	Aidha, CCM imeendeleza uhusiano na ushirikiano wa karibu na Chama cha Kikomunisti cha China, Chama cha Kikomunisti cha Cuba, Chama cha Wafanyakazi cha Jamhuri ya Kidemokrasia ya watu wa Korea na vyama vingine rafiki ndani na nje ya Bara la Afrika. Viongozi Wakuu wa CCM wakiongozwa na Mwenyekiti wa CCM, Rais Benjamin Mkapa wamekuwa wakitumia fursa ya ziara za nchi za nje kukutana na viongozi wa vyama rafiki kwa lengo la kuimarisha uhusiano na ushirikiano na CCM. Vile vile, Katibu Mkuu wa CCM, Ndugu Philip Mangula alifanya mazungumzo na Mabalozi na Wawakilishi kutoka nchi za vyama rafiki kwa lengo la kuimarisha uhusiano na ushirikiano na CCM. Baadhi ya vyama rafiki vilivyo-tembelea Tanzania hivi karibuni kwa mwaliko wa CCM ni pamoja na ANC, SWAPO, Labour Party ya Uingereza na FRELIMO. Aidha, CCM ilialikwa na kushiriki katika mikutano kadhaa ya siasa pamoja na kutembelea vyama vya ANC - Afrika Kusini, NRM ya Uganda, Botswana Democratic Party (BDP), UDF ya Malawi na Labour Party ya Uingereza.

			Mjumbe wa NEC, Capt. John Komba ambaye pia ni Mkurugenzi wa TOT akibadilishana mawazo na Katibu Mkuu wa UDF, Ndugu Kennedy Makwangaza Makao Makuu ya CCM, Dodoma
		Wajumbe wapya wa NEC wateuliwa
				Mwasamale awa Katibu wa CCM wa Mkoa
	Halmashauri Kuu ya Taifa ya Chama Cha Mapinduzi (NEC) ilimaliza kikao chake cha siku mbili mjini Dodoma tarehe 14/9/2003 kwa kuwateua wanachama wa CCM sita kuwa Wajumbe wa Halmashauri Kuu ya Taifa (NEC). Walioteuliwa ni Ndugu Asha Abeid Faraji, Ndugu Mohammed Mohammed Jecha, Ndugu Abdallah Said Natepe, Ndugu Cleopa David Msuya, Ndugu Grace Soka na Ndugu Jumanne Mangara. Wajumbe hao wameteuliwa na Halmashauri Kuu ya Taifa ya CCM kwa mujibu wa Katiba ya CCM ambayo imetenga nafasi kumi kwa Mwenyekiti wa CCM, Rais Benjamin W. Mkapa kupendekeza kwa Halmashauri Kuu ya Taifa ya CCM majina ya wanachama kuingia kwenye NEC. Katika nafasi kumi alizotengewa Kikatiba Mwenyekiti wa CCM, ni nafasi saba sasa zilizokwisha jazwa ikiwemo na ile ya uteuzi wa Ndugu Saleh R. Ferouz ambae kwa sasa ni Naibu Katibu Mkuu wa CCM Zanzibar. Aidha, Halmashauri Kuu ya Taifa ya CCM ilithibitisha uteuzi wa Ndugu Aron T. Mwasamale kuwa Katibu wa CCM wa Mkoa wa Iringa. SEMINA Chama Cha Mapinduzi kimekuwa kinaendelea kutekeleza kwa ufanisi mkubwa programu ya kujenga uwezo wa viongozi wake kwa ngazi zote kupitia mafunzo kwa mujibu wa maagizo ya Mkutano Mkuu wa Sita wa Oktoba 2002. Mpaka sasa zimekwishafanywa semina ngazi za Kamati Kuu ya CCM, Halmashauri Kuu ya Taifa ya CCM (NEC) na Halmashauri Kuu za CCM za Mikoa. Mafunzo pia yametolewa kwa Wakufunzi (Makada) wa Kitaifa na Makada wa Mikoa. Baadaye mafunzo yatafika Wilayani na kuhuka hadi ngazi ya Kata na Tawi. Lengo kuu ni kujenga itikadi moja ndani ya Chama.