RATIBA YA UTEUZI WA WAGOMBEA URAIS, UBUNGE, UWAKILISHI, UDIWANI NA VITI MAALUM WANAWAKE

Katika kikao chake cha tarehe 15/02/2005 Halmashauri Kuu ya Taifa ya CCM iliyokutana Mjini Dodoma chini ya Mwenyekiti wa CCM, Rais Benjamin Mkapa imepitisha ratiba ya uteuzi wa wagombea Urais, Ubunge, Uwakilishi, Udiwani na Viti Maalum Wanawake.

Ratiba iliyopitishwa ni kama ifuatavyo:-

(A) KUCHUKUA NA KURUDISHA FOMU

MWAKA	NAFASI YA UONGOZI	MWANZO WA KUCHUKUA FOMU	MWISHO WA KURUDISHA FOMU
2005	Rais wa Zanzibar na Mwenyekiti Baraza la Mapinduzi	1 Machi 2005	15 Aprili 2005 Kabla ya Saa 10:00 jioni
	Rais wa Jamhuri ya Muungano wa Tanzania	1 Machi 2005	15 Aprili 2005 Kabla ya Saa 10:00 jioni

(B) VIKAO VYA UCHUJAJI NA UTEUZI WA WAGOMBEA URAIS

MWAKA 2005	TUKIO
27 Aprili 2005	Kamati Maalum ya Halmashauri Kuu ya Taifa kuwajadili waombaji wa Nafasi ya Rais wa Zanzibar
29 Aprili 2005	Sekretarieti ya Halmashauri Kuu ya Taifa
2 Mei 2005	Kamati Kuu Kutoa Mapendekezo kwa Halmashauri Kuu ya Taifa
3 Mei 2005	Halmashauri Kuu ya Taifa kuchagua jina moja la Mgombea Kiti cha Rais wa Zanzibar na kupendekeza jina/majina ya Wagombea U-Rais wa Jamhuri ya Muungano wa Tanzania
4 Mei 2005	Mkutano Mkuu Maalum wa Taifa Kuchagua Jina moja la mgombea Kiti cha Rais wa Jamhuri ya Muungano wa Tanzania

2.0 WAGOMBEA UBUNGE NA UWAKILISHI/VITI MAALUM - WANAWAKE

(A) KUCHUKUA NA KURUDISHA FOMU

MWAKA	NAFASI YA UONGOZI	MWANZO WA KUCHUKUA FOMU	MWISHO WA KURUDISHA FOMU
2005	Ubunge	1/08/2005	3/08/2005 kabla ya saa 10.00 jioni
	Uwakilishi	1/08/2005	3/08/2005 kabla ya saa 10 .00 jioni

(B) UTEUZI WA WABUNGE/WAWAKILISHI/VITI MAALUM WANAWAKE

MWAKA 2005	TUKIO
4-6 Agosti 2005	Kura za maoni katika Majimbo
7 Agosti 2005	Mikoa kuchagua wagombea 5 wa kila Mkoa (UWT)
8 Agosti	Kamati za Siasa za Wilaya
9 – 10 Agosti 2005	Kamati za Siasa za Mikoa zitajadili
	Pia wagombea Ubunge/Uwakilishi Viti Maalum Wanawake
	Kamati Maalum ya Halmashauri Kuu ya Taifa kuwajadili wagombea Ubunge/Uwakilishi wa aina zote.
11 Agosti 2005	Baraza Kuu la UWT kuandaa orodha ya wagombea wote nchini
12-13 Agosti 2005	Sekretarieti ya Halmashauri Kuu ya Taifa.
15 Agosti 2005	Kamati Kuu Maalum
16 Agosti 2005	Halmashauri Kuu ya Taifa kuteua wagombea Ubunge na Uwakilishi wa jimbo na Viti Maalum Wanawake
17 Agosti 2005	Kutangaza Uteuzi

3.0 RATIBA YA UTEUZI WA MADIWANI

3.1 Tarehe 22 - 29 Juni 2005

Kuchukua na kurudisha fomu

3.2 Tarehe 01 - 05 Julai, 2005

(i) Mikutano Mikuu ya CCM Maalum ya Kata/Wadi kuwapigia kura za maoni wagombea Udiwani wa Kata/Wadi

(ii) Tarehe 08 - 10 Julai 2005 Mikutano Mikuu ya UWT Wilaya kuwapigia kura za maoni Wagombea Udiwani wa Viti Maalum Wanawake. Kila Katibu wa UWT Wilaya apange na kuitisha Mkutano Mkuu huo katika kipindi hicho.

3.3 Tarehe 11 - 12 Julai, 2005

Kamati za Siasa za Kata/Wadi kuwajadili wagombea Udiwani wa Kata/Wadi

3.4 Tarehe 13 - 20 Julai 2005 ,

(i) Kamati za Siasa za Wilaya kuwajadili Wagombea Udiwani wa aina zote na kuandaa orodha ya majina ya wagombea Udiwani wa Viti Maalum kwa kuzingatia idadi inayotakiwa kwa mujibu wa Sheria ya Uchaguzi (hivi sasa idadi hiyo itakuwa kubwa kidogo kuliko robo ya Kata/Wadi zote zilizomo katika Jimbo la Uchaguzi) Orodha hiyo itawasilishwa kwa Tume ya Uchaguzi.

(ii) Tarehe 24 - 26 Julai 2005, Kamati za Siasa za Mikoa kuwajadili wagombea wote wa Udiwani wa Kata/Wadi katika Mikoa.

3.5 Tarehe 24-26 Julai 2005

Kamati za Siasa za Mikoa kutoa mapendekezo ya wagombea Udiwani wa aina zote.

3.6 Tarehe 9 – 10 Agosti 2005

Halmashauri Kuu za Mikoa zitateua wagombea Udiwani wa Kata/Wadi/Viti Maalum. Mara baada ya uteuzi huo, Wenyeviti na Makatibu wa CCM wa Mikoa wataondoka kwenda kuhudhuria Mkutano Maalum wa Halmashauri Kuu ya Taifa wa tarehe 14-16 Agosti, 2005.

NB: Majina ya walioteuliwa yatatangazwa siku moja na ya wagombea Ubunge/Uwakilishi kwa tiketi ya CCM.

3.7 Tarehe 16 -17 Agosti, 2005

Siku za kutangaza majina yote ya wagombea Udiwani wa Kata/Wadi, Uwakilishi na Ubunge kwa tiketi ya CCM. Utaratibu huu utazuia kutokea kwa migogoro baina ya wagombea Udiwani na Ubunge kwa upande mmoja na wagombea Udiwani na Uwakilishi kwa upande mwingine

3.8 Tarehe ……(Nomination Day) kwa mujibu wa Tume ya Uchaguzi (NEC na ZEC)

(1) Atakayechukua fomu kugombea kiti cha Rais wa Jamhuri ya Muungano wa Tanzania atatakiwa apate wadhamini wa-CCM 250 kutoka Mikoa isiyopungua 10. Kati ya hiyo, Mikoa 2 iwe ya Zanzibar.

(2) Atakayechukua fomu ya kugombea kiti cha Rais wa Zanzibar atatakiwa apate wadhamini wana-CCM 250 kutoka Mikoa isiyopungua 3 ya Zanzibar. Kati ya hiyo, Mkoa mmoja uwe wa Pemba .

(3) Wagombea kiti cha Urais hawapigiwi kura za maoni. Wao hutafuta wadhamini Wana-CCM 250 kwa mujibu wa Kanuni za uteuzi katika kipindi kilichowekwa.

(4) Wajumbe wa Halmashauri Kuu ya CCM Taifa (NEC) hawaruhusiwi kuwadhamini Wagombea Urais kwa kujaza fomu za Wagombea wa nafasi hizo.