CHAMA CHA MAPINDUZI < <Ilani ya Chama Cha Mapinduzi> >

Ilani ya CCM

Habari Mpya

Historia ya TANU na ASP

Kutoka Magazetini

Hotuba

"Mimi naamini kabisa kwamba tutasaidia nchi yetu,
kuimarisha Umoja wake na Mapinduzi yake
na hivyo kuwa na uwezo mkubwa zaidi wa kusaidia
kuleta Umoja na Mapinduzi ya Afrika ikiwa sasa bila kusita tena tuaviunganisha vyama vyetu na kuwa Chama kimoja cha Mapinduzi."
— Mwalimu Nyerere —

Mwalimu Julius K. Nyerere na wanachama na viongizi wa TANU na ASP walio wengi walikuwa na matarijo makubwa kwa Chama kimoja cha Mapinduzi.

Miongoni mwa matarajio hayo ni kukamilisha Muungano wa Tanzania; kuleta maendeleo ya pamoja na haraka kwa nchi yetu; kumkomboa Mtanzaina na Mwafrika kifikra, kisiasa, kiuchumi na kijamii; na kusaidia kuharakisha kufikia lengo la kujenga nchi inayofuata siasa ya Ujamaa na Kujitegemea.

Aidha, Chama kimoja cha Mapinduzi kilitarajiwa kushiriki kwa ukamilifu katika kutokomeza ukoloni katika Bara la Afrika na kwingineko duniani na kuendeleza siasa ya kutofungamana na upande wowote hasa kwa kuzingatia kwamba katika miaka ya 1970 na 1980 dunia ilikuwa bado imegawanyika kisiasa, kiuchumi na kiulinzi katika kambai mbili zenye uhasama.

Kambi hizo ni ya Magharibi ikiongozwa na Marekani na ile ya Mashariki ikiongozwa na Umoja wa Kisovieti. Waasisi wa TANU na ASP walitambua kwamba kuwepo kwa vyama viwili katika mazingira ya siasa ya chama kimoja kulipunguza upeo, nguvu na umoja wao katika kuendeleza mapambano ya kujenga Ujamaa nchini na kushiriki kwa pamoja na kwa ukamilifu katika harakati za mapinduzi ya Tanzania, Afrika na dunia kwa jumla.

.:: Endelea » ::.

TANU na ASP toka mwanzo vilikuwa ni vyama vya ukombozi vilivyojengeka kwenye msingi wa demokrasia. Kwa mfano, pendekezo la Mwalimu Julius K. Nyerere la kuunganisha vyama lilipitishwa na TANU na ASP kwa njia ya kidemokrasia.

TANU na ASP walipeleka suala zima la kuunganisha vyama kwa wanachama wenyewe kwani ndio wenye vyama.

Wanachama hao katika matawi yao walitakiwa wajadili nakutoa maoni yao kuhusu suala la kuunganisha TANU na ASP ili kiundwa Chama kimoja cha Mapinduzi.

Kazi hiyo ilifanyika kwa ufanisi kama ilivyoagizwa na Halmashauri Kuu za Taifa za TANU na ASP. Licha ya wanachama kujadili na kutoa maoni yao, kwa Zanzibar viongozi wa ASP walipwewa nafasi ya kujadili na kutoa maoni yao katika vikao vyote vya Chama.

Wanachama walijadili na kutoa maoni yao kwanza ndipo wakafuata viongozi katika Halmashauri za vikao mbalmblai vya ASP. Angalia majedwali na. 1 na 2 ambayo yanaonyesha matokeo ya maoni ya wanachama wa TANU na ASP kuhusu kuunganishwa vyama. Matokeo ya Maoni ya Wnachama wa TANU kuhusu kuunganishwa TANU na ASP

Matawi	Idadi	Asilimia
Idadi ya Matawi ya TANU	6,639	100.00
yaliyokutana	6,427	96.81
yaliyokutana	212	3.19
yaliyokubali	6,424	99.95
yaliyokataa	3	0.05
Idadi ya matawi madogo ya TANU	38	100.00
Matawi Madogo yaliyokutana	38	100.00
Matawi Madogo yaliyokubali	38	100.00
Matawi Madogo yaliyokataa	Hakuna	0.00

Chanzo: Chuo cha CCM Kivukoni (1981) Historia ya Chama cha TANU 1954 hadi 1977, (Dar es Salaam : Mpiga Chapa wa Serikali)

.::Rudi || Endelea » ::.

Takwimu hizi zinaonyesha kuwa zaidi ya asilimia 99 ya matawi yote ya TANU yaliyokutana, yalikubali Chama chao kiunganishwe na ASP ili kiundwe Chama kimoja cha Mapinduzi. Matokeo ya Vikao na Wanachama wa ASP kuhus Maoni ya Kuunganishwa TANU na ASP. Matawi Idadi ya matawi ya ASP yaliyokubali yaliyokataa Wanachama Idadi ya wanachama wote Idadi ya wanachama waliokubali Idadi ya wanachama waliokataa Idadi 257 257 Hakuna Idadi 103,983 103,574 409 Asilimia 100.00 100.00 0.00 Asilimia 100.00 99.00 0.04 Chanzo: Taarifa na Mapendekezo ya Tume kuhusu Mfumo wa Siasa Nchini Tanzania, Kitabu cha Kwanza (Dar es Salaam: KIUTA, 1991) Ibara ya 125 ASP, kama ilivyokuwa kwa TANU, ilifanya zoezi hili kwa uangalifu mkubwa.

Matokeo yanaonyesha kwamba, matawi yote ya ASP 257 yalikubali ASPiunganishwa na TANU na kiundwe Chama kimoja cha Mapinduzi. Aidha, wanachama wa ASP zaidi ya asilimia 99 waliunga mkono pendekezo la kuviunganisha vyama vya TANU na ASP.

Baada ya vyama hivyo kupokea matokeo ya maoni ya wanachama wao, Halmashauri Kuu ya Taifa ya TANU na ile ya ASP, zilikutana na kufanya kikao cha pamoja mwezi Oktoba 1976.

Katika mkutano huo iliteuliwa Tume ya watu 20 iliyopewa jukumu la kutayarisha Katiba ya Chama kipya. Mwenyekiti wa Tume hiyo alikuwa Marehemu Sheikh Thabit Kombo na Katibu wake alikuwa Mheshimiwa Pius Msekwa.

Tarehe 21 Januari 1977 Mkutano Mkuu wa pamoja wa Vyaa vya ASP na TANU ulipitisha pendekezo la Halmashauri Kuu za ASP na TANU. Pendekezo hilo lilisema: "Sisi wajumbe wa Mkutano Mkuu wa Taifa, wa pamoja wa TANU na ASP tuliokutana leo tarehe 21 Januari 1977, Mjini Dar es Salaam, chini ya Uongozi wa pamoja wa Mwalimu Julius K. Nyerere, Rais wa TANU na Ndugu Aboud Jumbe, Rais wa ASP, kwa kauli moja tunasema na kutamka rasmi kuvunjwa kwa Tanganyika African Natoinal Union (TANU) na Afro-Shirazi Party (ASP) ifikapo tarehe 5, Februari 1977 na wakati huo huo kuundwa kwa Chama kpya cha pekee na chenye uwezo wa mwisho katika mambo yote kwa mujibu wa Katiba."

.:: Rudi || Endelea » ::.

Azimio hilo lilisisitiza kwamba TANU na ASP havikuamua kujivunja kama vyama kwa kuwa vimeshindwa kutekeleza majukumu yao.

Kwa hakika TANU na ASP ni vyama vilivyopata mafanikio ya kipekee katika Afrika katika kuyatekelezamajukumu yao ya kihistoria na mafanikio hayo ndio yaliyowezesha vyama hivyo kujivunja vyenyewe.

Katika Mkutano Mkuu huo a pamoja, Mwalimu J.K. Nyerere alichaguliwa kuwa Mwenyekiti wa CCM, Ndugu Aboud Jumbe kuwa Makamu wa Mwenyekiti wa CM na Ndugu Pius Msekwa kuwa Katibu Mtendaji Mkuu wa CCM. Chini ya uongozi wao CCM ilipata mafanikio makubwa.

.:: « Rudi::.